"Барселона" ҳимоячиси Жоау Канселу Испания чемпионати доирасидаги "Осасуна"га қарши сафар учрашувида Хави Эрнандес жамоасидаги дебюти ҳақида фикр билдирди. Эслатиб ўтамиз, “кўк-анорранглилар” 2:1 ҳисобида ғалабага эришган эди.

“Бу жуда қийин ғалаба бўлди. Жамоадошларим мени бу стадионда ўйнаш қийинлиги ҳақида аллақачон огоҳлантирганди. Шундай қилиб, охир-оқибат шундай бўлди. Шерикларим мени жуда илиқ кутиб олишди, жамоада яхши ўйинчилар бор. Ишончим комилки, биз биргаликда катта ютуқларга эриша оламиз”, - деди Канселу ўйиндан кейин Sport нашрига берган интервьюсида.

Канселу трансфер ойнасининг сўнгги кунида ижара асосида "Манчестер Сити"дан "Барселона"га ўтди.