"Челси" бош мураббийи Маурисио Почеттино "Ноттингем Форест"га қарши ўтган ўйинда бўш дарвозага гол уролмаган Николас Жексонни ҳимоя қилди.
"Жексонга Англия Премьер-лигасига мослашиш учун вақт керак. У баъзан қарорларида бироз шошқалоқлик қилади. У кўпроқ дам олиши керак. Ишончим комилки, ўшанда голлар унинг олдига келади", - деди Почеттино матбуот анжуманида.
Жексон Премьер-лиганинг янги мавсумида "Лутон" дарвозасига битта гол киритди. Ёзда сенегаллик ҳужумчининг "Вильярреал"дан трансфери "Челси"га 37 миллион еврога тушди ва бу маблағ футболчининг шартномасида товон пули сифатида кўрсатилган эди.
