"ПСЖ" бош мураббийи Луис Энрике ҳужумчи Неймарнинг Париж клуби ҳақидаги сўнгги фикрларига изоҳ берди.
"Неймар Месси билан "ПСЖ"да жаҳаннамни бошидан ўтказганини айтди? Бу уларнинг шахсий тажрибаси, мен тафсилотларга киришни хоҳламайман. Мен шахсан ўзим ҳақимда гапиришим мумкин. Мен бу ерда ҳамма нарсадан мамнунман, ажойиб жамоани бошқараман. Клуб менга 100 фоиз ишонади”, - деди Энрике.
Эслатиб ўтамиз, Неймар ва Месси шу йилнинг ёзида Франция топ-клубини тарк этганди. Бразилиялик Саудиянинг “Ал-Ҳилол” клубига ўтди, аргентиналик эса Американинг “Интер Майами” клуби билан шартнома имзолади.
