Шу йилнинг ёзида Саудиянинг “Ал-Ҳилол” клубига ўтган бразилиялик ҳужумчи Неймар футбол тарихидаги ўрни ҳақида гапирди.
“Аллоҳ таоло мени футбол иқтидори билан тақдирлади. Менинг исмим аллақачон ушбу спорт тури тарихига кирган. Мени майдонда ўзгаришлар қила оладиган самимий футболчи сифатида эслаб қолишни жуда истардим. Мен учун бу жуда қимматли”, - деди бразилиялик юлдуз.
31 ёшли бразилиялик футболчи "ПСЖ"дан "Ал-Ҳилол"га ўтди. Битим 90 миллион еврони ташкил қилди. Неймар ва Саудия клуби ўртасидаги меҳнат шартномаси муддати 2025 йилнинг июнь ойи охиригача ҳисобланган.
