Кеча Лондоннинг шимолида дежавю содир бўлди, чунки кетма-кет иккинчи мавсумда «Арсенал» «Эмирейтс» стадионида «Манчестер Юнайтед»ни мағлуб этди. Сўнгги дақиқаларда амалга оширилган камбэк «МЮ»ни оғир аҳволга солиб қўйди. «Тўпчилар» «МЮ»га ўз қуроли билан зарба берди.
Умумий ўйин статистикаси «Арсенал»ни ғалабани осонлик билан қўлга киритгандек қилиб кўрсатиши мумкин, аммо умумий 2,27 XGнинг учдан бир қисми Райс ва Жезуснинг ўйинга қўшиб берилган дақиқаларда урган голлари туфайли пайдо бўлди. Бироқ «Арсенал» учрашувнинг катта қисмини рақиб майдони ярмида ўтказди ва меҳмонларга қараганда анча кўпроқ ҳужумкорликни намойиш этишди. Уларнинг рақиб майдончасидаги 42 марта тўпга тегиниши «Юнайтед»нинг кўрсаткичидан (19) икки баравар кўп. «Канонирлар» жарима майдони ичига ўз рақибига қараганда уч баравар кўп узатма амалга оширган (168 – 47).
Эрик тен Хаг бошчилигидаги «Манчестер Юнайтед» жамоаси ўйин давомида «Арсенал» дарвозасига ҳужум қилиш учун жуда кам иштиёқ кўрсатди, аксинча, «Арсенал»ни қарши ҳужумларда ушлашга ҳаракат қилди. Бу уларнинг биринчи бўлиб ҳисобни очишларига ёрдам берди.
«Юнайтед»нинг атиги 12,2% паслари муваффақиятли тарзда жарима майдонига етиб борган. Бу «МЮ»нинг Премьер-лигадаги иккинчи энг паст кўрсаткичидир (2006-07 йилдан бери). Паслар борасидаги аниқлик 64 фоизни ташкил этди.
«Арсенал»да эса бу кўрсаткич 80 фоизга етган.
Қуйида ушбу баҳсга доир айрим статистикаларни тақдим этамиз.
Деклан Райснинг 95-дақиқа 43-сонияда урган голи «Арсенал» ва «Манчестер Юнайтед» ўртасидаги АПЛ қарама-қаршиликларидаги энг кеч урилган гол бўлди.
«Арсенал» «Манчестер Юнайтед»га қарши «Эмирейтс»да ўтказган сўнгги олтита ўйинда мағлубиятга учрамаган (5 ғалаба 1 дуранг) ва 1991 йилнинг май ойидан бери биринчи марта лига доирасидаги уйда ўтган 3 баҳсда ғалаба қозонди.
«Манчестер Юнайтед» Англия Премьер-лигасининг Лондонда ўтказган сўнгги олтита сафар ўйинида ғалаба қозона олмади (2 дуранг, 4 та мағлубият), бу 2015-2016 йиллар оралиғидаги энг узоқ давом этган серия ҳисобланади.
«Манчестер Юнайтед» бу ўйинда атиги 110 сония олдинда бўлди. Кейин Эдегор 28-дақиқада ҳисобни тенглаштирди. «Арсенал» «Эмирейтс»да Премьер-лига доирасида дастлаб гол ўтказиб юборган сўнгги 9 баҳснинг фақат иккитасида мағлуб бўлган, шулардан бештасида ғалаба қозонган (2 та дуранг).
Маркус Рэшфорд «Арсенал»га қарши АПЛдаги кетма-кет учта ўйинда гол урган «Манчестер Юнайтед»нинг иккинчи футболчиси бўлди. 2012-2013 йиллар оралиғида Робин ван Перси бу ишни уддалаган.
27-дақиқада Маркус Рэшфорд ҳисобни очган пайти «Манчестер Юнайтед» биринчи зарбасини йўллаган эди ва бу «Арсенал» жарима майдони ичидаги тўпга биринчи тегиниш эди. Дарҳақиқат, 2023 йилда «Арсенал» еттинчи марта Премьер-лига ўйинида рақибнинг биринчи зарбасидан гол ўтказиб юборди - бу даврдаги энг кўп кўрсаткич.
Мартин Эдегор «Арсенал» сафида ўзининг Премьер-лигадаги 25-голини киритди, шу билан бирга у ўтган мавсум бошидан буён «канонирлар»нинг барча ўйинчиларидан кўра кўпроқ гол урди (17).
«Манчестер Юнайтед» футболчиси Кристиан Эриксен Премьер-лигадаги 75-ассистентини қайд этиб, Тьерри Анрини (74) ортда қолдирди ва мусобақа тарихида ассистлар сони бўйича хорижлик футболчилар орасида бешинчи ўринни эгаллади.
