Ўзбекистон Тасвирий санъат галереясида шахмат бўйича дунёнинг 12 нафар етакчи гроссмейстерлари иштирокида ўтаётган ФИДЕ Гран-Присида кеча 8-тур ўйинлари бўлиб ўтди.

Ушбу турда ҳамюртимиз Рустам Қосимжонов қора доналарда россиялик Пётр Свидлерга қарши баҳс олиб борди ва муросасиз кечган матчда томонлар дурангга имзо чекдилар.

Шу тариқа Рустам Қосимжонов ҳисобидаги очколар сони 4,5 тага етди ва ҳамюртимиз хозирда турнир жадвалида 5-ўринни эгаллаб турибди. 2 декабрь куни ўтказиладиган 9-турда Рустам Қосимжонов россиялик Александр Морозевичга қарши дона суради.

Еттинчи турнинг қолган партияларида қуйидаги натижалар қайд этилди:

Гата Камский (АҚШ) - Петер Леко (Венгрия) 0:1
Александр Морозевич (Россия) - Ванг Хао (Хитой) 0,5:0,5
Фабиано Каруано (Италия) - Сергей Карякин (Россия) 0,5:0,5
Борис Гельфанд (Исроил) - Леньер Домингес Перес (Куба) 0,5:0,5
Шаҳриёр Мамедяров (Озарбойжон) - Руслан Пономарев (Украина) 0,5:0,5

Саккизинчи тур ўйинларининг якунларига кўра турнир жадвали қуйидагича кўринишга эга:

1.Фабиано Каруано (Италия) - 5 очко
2. Сергей Карякин (Россия) - 5 очко
3. Александр Морозевич (Россия) - 4,5 очко
4. Шаҳриёр Мамедяров (Озарбойжон) - 4,5 очко
5. Рустам Қосимжонов (Ўзбекистон) - 4,5 очко
6. Петер Леко (Венгрия) - 4,5 очко
7. Руслан Пономарев (Украина) - 4 очко
8. Пётр Свидлер (Россия) - 4 очко
9. Ванг Хао (Хитой) - 4 очко
10. Борис Гельфанд (Исроил) - 3 очко
11. Гата Камский (АҚШ) - 2,5 очко
12. Леньер Домингес Перес (Куба) - 2,5 очко

Қуйида 2 декабрь куни ўтказиладиган 9-тур жуфтликлари берилган:

Рустам Қосимжонов - Александр Морозевич
Руслан Пономарев - Гата Камский
Леньер Домингес Перес - Шаҳриёр Мамедяров
Сергей Карякин - Борис Гельфанд
Ванг Хао - Фабиано Каруано
Петер Леко - Пётр Свидлер

Ўйинлари соат 14:00да бошланади.