Ҳужумчи Жоау Феликс "Атлетико Мадрид"дан "Барселона"га ўтиш учун кўп миллион евродан воз кечишга қарор қилди. A Bola хабарига кўра, у жами 17 миллион евродан кўпроқ сумма йўқотади.
23 ёшли португалиялик футболчининг "Атлетико Мадрид" билан мавсумига 6 миллион евро маош оладиган шартномаси бор эди. Каталония клубига ўтгани сабабли унга фақат июль ва август ойлари учун маош тўланган, "Барселона" эса қолган мавсум учун атиги 400 минг евро тўлайди. Феликс биргина бу мавсумда деярли беш миллион йўқотади.
Шунингдек, футболчини ижарага қўйиб юбориш учун "Атлетико" Феликсдан клуб билан шартномасини яна икки мавсумга, яъни 2028 йилгача узайтиришни, маошини 6 миллион евродан 3 миллион еврогача қисқартиришни талаб қилган. Шу тариқа, 24 эмас, яна тўрт мавсумда у бор-йўғи 12 миллион евро ишлаб олади.
