Қўшиқчи Тэйлор Свифтнинг мухлислари Жуд Беллингемни ёқлаб овоз берган бўлишлари мумкин.
"Golden Boy" соврини учун "Барселона" ҳимоячиси Алекс Бальде ва "Реал" футболчиси Жуд Беллингем даъвогарлик қилмоқда.
Каталония клубининг "Barca Universal" мухлислар гуруҳи Бальденинг Тэйлор Свифт мусиқасини ёқтирмаслигини айтган иқтибосини Twitter'да қолдирди. Футболчи бу сўзларни шу йилнинг май ойида айтган бўлса-да, бу ибора энди эълон қилинди.
Шундан сўнг, афтидан, қўшиқчининг мухлислари Мадрид клуби футболчисига фаол овоз беришни бошлади.
Хусусан, Свифтнинг мухлисларидан бири Twitter'да шундай ёзган: “Ҳей Свифтийлар! Келинг, Бальде "Golden Boy"ни қўлга киритмасин! Жуд Беллингемга овоз беринг!"
Tuttosport сўровномасида Беллингем ҳозирда 86 фоиздан кўпроқ овозга эга.
Шу билан бирга, футболчига берилган овозлар сони жуда тез ўсди - кеча унинг аккаунтида 30 фоизга яқин овоз бор эди, Свифт ҳақидаги иқтибос эълон қилинганидан кейин эса тахминан икки соат ичида у 60 фоизгача ўсди.
Бальде, ўз навбатида, айни дамда 11 фоиздан кам овозга эга.
Шунингдек, номзодлар орасида Жамол Мусиала ("Бавария"), Гави ("Барселона"), Антонио Силва ("Бенфика"), Хави Симонс (ПСВ/"Лейпциг"), Флориан Виртц ("Байер"), Бенжамин Шешко ("Лейпциг"), Девин Ренсх ("Аякс"), Жоржио Скальвини ("Аталанта") каби футболчилар ҳам бор.
