Мана, мамлакат чемпионати ва кубок ўйинлари ҳам ўз ниҳоясига етди.

Медаллар ва биллур соврин ўз эгаларини топди. Келаси мавсумдан энди нималар кутишимиз мумкин? Грандлар қаторига Тошкентнинг яна бир жамоаси - "Локомотив" ҳам қўшилиб келмоқда. Лекин мен севимли жамоаларимдан бири саналган "Навбаҳор"ни қўмсамоқдаман. Қани энди "Пахтакор", "Бунёдкор", "Локомотив" ва "Насаф" жамоалари қаторига Наманган жамоаси ҳам қўшилса. "Навбаҳор"га эргашиб "Нефтчи" ҳам медалар учун курашса... Эҳ, афсус лекин бу ҳомхаёл холос. Фикримча, Наманганда миллионлар ўйини Ўзбек футболининг 100 йиллиги арафасидаёқ ўлиб бўлди.

Ҳурматли Дилмурод Мамажонов! Сиз олижаноб инсонсиз, бунга ишончим комил. Келаси мавсумдан жамоани юқорига кўтаринг, шунча мухлислар ҳаққи-ҳурмати! "Навбаҳор"ни 3-ўринда кўришга ўрганиб қолгандик. Ўша дамлар ҳали ҳам ёдимизда. "Навбаҳор"дек забардаст жамоани йўқолиб кетишига ишонмаймиз! Сизни қўлингиздан бу иш келади, деб ўйлайман! Ўтган мавсум жамоани қандай кучга эга эканлигини кўрдик. Наҳот яна шундай жасорат кўрсата олмаса жамоа?

Саволлар жуда кўп, лекин бунга жавоб берадиган инсон кўринмаяпти. Барча шинавандалар сингари мен ҳам олдинги "Навбаҳор"ни қўмсамоқдаман. Янги ўйингоҳ битгач клуб кучайиши ҳақида биламиз. Аммо ўз-ўзидан жамоа кучаймайди-да. Бунинг учун мустаҳкам пойдевор зарур. Шундай экан, берилган имкониятдан максимал даражада фойдаланиш керак. Бу йилги чемпионат "Навбаҳор"учун огоҳлик қўнғироғи бўлди. Янги мавсумда бундай хатоар асло кечирилмайди. Яна бир бор илтимос қилардикки, "Навбаҳор"ни асл ҳолига қайтарингар!!!

Обид РУСТАМОВ, Тошкент шаҳри.