Мадриднинг "Реал" клуби дарвозабони Кепа Аррисабалага Карло Анчелотти жамоасига ўтиши тафсилотлари ҳақида гапирди.

Эслатиб ўтамиз, испаниялик посбон "Қироллик клуби"га Лондоннинг "Челси" жамоасидан ижара асосида ўтган эди. Шартнома сотиб олиш опциясини ўз ичига олмайди.

"Мен икки телефон қўнғироғидан сўнг "Реал"га ўтдим. Битим бир неча соат ичида ёпилди. Бундай жамоада ўйнаш имконияти ҳар куни ҳам бўлавермайди", - деди дарвозабон Madrid Zone билан суҳбатда.

Кепа Испания чемпионатида "Реал Мадрид" сафида иккита ўйин ўтказди ва битта гол ўтказиб юборди. Эслатиб ўтамиз, Аррисабалага ижараси учун "қироллик клуби" бир миллион евро тўлаган.