Португалия терма жамоаси ҳужумчиси Жоау Феликс "Атлетико"дан "Барселона"га ижарага ўтгани учун қарийб 17 миллион евро йўқотди, дея хабар бермоқда Telecomasia.net портали.
Феликснинг "Атлетико" билан шартномаси бор эди, унга кўра у мавсумига 6 миллион евро ишлаб оларди, унинг "Барселона"даги маоши эса 400 минг еврони ташкил қилади.
"Барселона"га ижарага ўтиш учун "Атлетико" Феликсдан маоши мавсумига 6 миллион евродан 3 миллион еврога қисқартирилган ҳолда шартномасини узайтиришни талаб қилди.
23 ёшли футболчининг умумий зарари тахминан 17 миллион еврони ташкил этади: бу мавсумда тахминан 5 миллион евро ва "Атлетико"нинг маошини қисқартириши натижасида кейинги мавсумларда тахминан 12 миллион евро.
Шу билан бирга, Феликс "Барселона"га ўтиш қарорида "бир сония ҳам иккиланмай қолгани" хабар қилинган. Каталония клуби раҳбарияти Португалия терма жамоаси футболчисининг "Барселона"га ўтиши учун қилинган "катта молиявий ҳаракатлар"ни қайд этди.
Феликснинг ўзи каталонияликлар унинг шартномасини сотиб олишлари учун "Барселона"да ўзини кўрсата олишига умид қилмоқда. Балки келажакда Феликснинг маошини камайтириш қарори унга эски шартномаси бўйича "Атлетико"да қолиб ишлаб топганидан кўра кўпроқ пул олиб келиши мумкин.
