Қанот ҳужумчиси Жереми Доку "Манчестер Сити"га қандай ўтганини айтди.
Бельгиялик футболчи ёз тугашига бир ҳафта қолганда "шаҳарликлар" сафига "Ренн"дан 60 миллион евро эвазига кўчиб ўтганди.
“Манчестер Сити” менга илк бор ўтган мавсум охирида мурожаат қилганди. Мен футбол ўйнайман ва музокаралар менинг ишим эмас. Мен учун асосийси - лойиҳанинг моҳияти, мунтазам равишда майдонга тушиш имконияти.
Бу ажойиб жамоа, лекин мен ўз ролимни билмоқчи эдим. Мен спорт директори, мураббий билан гаплашдим ва бу муҳим роль ўйнади. Гвардиола ишонч билдирди ва лойиҳа тафсилотлари билан ўртоқлашди. Менга ҳаммаси ёқди, шу боис "Манчестер Сити"га ўтишга қарор қилдим", - дея 21 ёшли футболчининг сўзларини келтиради Sport Witness.
