"Барселона" футболчиси Ламин Ямал Испания терма жамоаси рекордчисига айланиши мумкин.
16 ёшли вингер илк бор Испания терма жамоасига чақирилди. Opta хабарига кўра, Ямал Европа чемпионатининг саралаш босқичининг бўлажак иккита ўйинидан камида биттасида иштирок этса, Испания терма жамоаси шарафини ҳимоя қилган энг ёш футболчига айланади. 8 сентябрь куни “қизил фурия” сафарда Грузияга қарши майдонга тушса, тўрт кундан кейин ўз майдонида Кипр терма жамоасини қабул қилади.
Ҳозиргача Гави Испания терма жамоасининг бу борадаги рекордчиси бўлиб қолмоқда, у 2021 йилда 17 ёшу 62 кунлигида Италияга қарши ўйинда дебют қилган.
