"Барселона" бош мураббийи Хави Эрнандес трансфер ойнасининг сўнгги кунида "Атлетико Мадрид"дан ижарага олинган янги футболчи Жоау Феликсни қайси позицияда ўйнатишини аниқлаб олди.

Журналист Ферран Мартинеснинг фикрича, Хави Феликсдан чап қанот вингери сифатида фойдаланмоқчи. Мутахассис португалиялик футболчини ҳужумда катта хавф туғдира оладиган чап қанот ҳимоячиси Алехандро Бальде билан самарали алоқа ўрнатишига умид қилмоқда.

Эслатиб ўтамиз, "Барселона" мавсум охирида Феликсни сотиб олиш ҳуқуқига эга эмас. Бироқ Жоаунинг ўзи доимий равишда Каталония клубида қолмоқчи.