Туриннинг "Ювентус" клуби ярим ҳимоячиси Поль Погбанинг маошини сезиларли даражада қисқартиришни режалаштирмоқда.
Corriere Torino нашри хабарига кўра, "кекса синьора" тажрибали франциялик футболчининг йиллик маошини йилига 6 миллион еврогача камайтирмоқчи.
Эслатиб ўтамиз, ҳозирги кунда Погбанинг йиллик маоши йилига тахминан 10,6 миллион еврони ташкил этади, бу эса футболчини Италия А Сериясида энг кўп маош олувчилардан бирига айлантирган.
“Ювентус” айни дамда оғир молиявий аҳволда, Погба жароҳати туфайли кўп ўйинларни ўтказиб юбораётганини инобатга олиб, клуб раҳбарияти унинг маошини камайтирмоқчи. Манба айни вақтда "Ювентус" Погба шартномасида маълум ютуқлари учун бонуслар олиш имкониятини қолдиришни истамоқда.
