"Манчестер Юнайтед" клуби мураббийлар штаби Жейдон Санчонинг ўз ишига бўлган муносабатидан норози.
Журналист Роб Доусоннинг ижтимоий тармоқларда ёзишича, "манкунианликлар" мураббийларининг баъзилари англиялик футболчи совуққон ва машғулотлардан узоқлашган деб ҳисоблашмоқда. Шу билан бирга, мураббийлар штабининг яна бир қисми Жейдоннинг хатти-ҳаракатларида ишончсизликни кўрмоқда.
Эслатиб ўтамиз, Санчо "Манчестер Юнайтед"нинг Лондоннинг "Арсенал" клубига қарши Англия Премьер-лигасининг сўнгги ўйинида қайдномасига киритилмаган эди. Бош мураббий Эрик тен Хаг бу қарорини футболчининг ўз ишига бўлган муносабатидан норозилиги билан изоҳлади. Санчо бунга жавобан нидерландиялик мураббийни ёлғончиликда айблаб, ижтимоий тармоқларда "хит"га айланди.
