"Барселона" Рональд Араухо қачон ўйнашга тайёр бўлишини ҳозирча билмайди.

Ҳимоячи 17 август куни сонидан жароҳат олди ва шундан бери майдонга тушмади.

Diario Sport нашри хабарига кўра, "кўк-анорранглилар" бош мураббийи Хави ва тиббиёт ходимлари уругвайлик футболчини таркибга қайтаришга шошилмаяптилар, улар барча хавфларни бартараф этишга ҳаракат қилмоқда. Энг яхши ҳолатда, Араухо 23 сентабрь куни жамоа “Сельта”га қарши учрашувда иштирок этади.

Ла Лигада "Бетис"га (16 сентябрь), Чемпионлар лигасида "Антверпен" (19 сентябрь) жамоаларига қарши ўйинда иштирок этиш эҳтимоли жуда паст.