“Ал-Ҳилол” ҳужумчиси Неймар Саудия Арабистонидаги футбол савияси ҳақида гапирди.

Август ойи ўрталарида парижликлар бразилиялик юлдузни “Ал-Ҳилол”га 90 миллион еврога сотиб юборган эди.

31 ёшли футболчининг фикрича, Саудия лигаси тез орада Европанинг олий ўрта даражадаги лигаларини ортда қолдириши мумкин.

“Футбол ҳамма жойда бир хил, тўп доим юмалоқ. Бу ерда тўп сураётган машҳур футболчилар кўплигини инобатга олсак, Саудия Арабистони чемпионати тез орада Франсия 1-лигасидан ўзиб кетиши мумкин. Мен "Ал-Ҳилол" билан ғалаба қозонишни, чемпионликни қўлга киритишни хоҳлайман. Одамлар мен ҳақимда нима дейиши менга унчалик қизиқ эмас. Мен танловимдан мамнунман", - деди Неймар.