Мадриднинг “Реал” клуби ярим ҳимоячиси Браим Диас жамоанинг кучли томонлари ҳақида гапирди.
24 ёшли футболчи "Милан"да ижара асосида ўтказган икки мавсумдан сўнг "қаймоқранглилар" сафига қайтди.
"Менга "Реал Мадрид"да доимо ғолиблик руҳи борлиги ёқади. Исталган вақтда жамоадан кимдир тўпни рақиблар дарвозасига йўллаб, ўз маҳоратини кўрсатиши мумкин. Бу ерда сиз ҳар доим ҳар қандай ўйинни қайтариш мумкинлигини ҳис қиласиз, чунки таркибда жуда кўп ажойиб ижрочилар бор", - деди Диас Mundo Deportivo нашрига.
Браим Диас бу мавсумда Карло Анчелотти жамоасида иккита ўйинда захирадан майдонга тушди.
