Испания терма жамоаси ярим ҳимоячиси Родри Эрнандес Европа чемпионати - 2024 саралашида Грузия терма жамоасига қарши бўлиб ўтадиган ўйин ҳақида гапирди.
“Бу узоқ масофага пойга. Майдонда ўз маҳоратимизни кўрсатишда давом этиш ниятидамиз. Испания босқичма-босқич ривожланишга ҳаракат қилмоқда. Биз учун ҳозирда асосий мақсад Грузия устидан қозониладиган ғалаба”, - дейди футболчи.
Испания ва Грузия терма жамоалари ўртасидаги учрашув бугун, 8 сентябрь куни бўлиб ўтади. "Қизил фурия" кейинги ўйинни кейинги ҳафтада Кипр терма жамоасига қарши ўтказади.
