"Коринтианс" ярим ҳимоячиси Габриел Москардо "Барселона"га ўтишга тайёр. Журналист Жоаким Пиеранинг хабарига кўра, бразилиялик футболчи "Камп Ноу"га ўтишга тайёр.
"Барселона" спорт директори Декога Москардо жуда ёқади, у раҳбариятни футболчини сотиб олишга ундаган. Габриелнинг ўзи аллақачон жамоани ижтимоий тармоқларда кузатиб боради ва Хави Эрнандес жамоасига ўтишдан хурсанд бўларди.
Москардо аввалроқ “Челси”га ўтишга яқин эди, бироқ “Коринтианс” футболчини 30 миллион еврога сотишдан бош тортгач, “кўклар” ярим ҳимоячига бўлган қизиқишни совитиб юборди.
