«Атлетико Мадрид» жамоаси ҳимоячиси Науэль Молина билан музокара жараёнини бошлади. Журналист Сезар Луис Мерлонинг ижтимоий тармоқларда хабар беришича, Мадрид клуби футболчининг янги меҳнат шартномасида кўпроқ товон пули белгиламоқчи - 30 миллион ўрнига 70 миллион евро. Шу билан бирга, 25 ёшли Молинага юқорироқ маош таклиф қилинади.
Наҳуэль Молина 2022 йилнинг июль ойи охиридан бери «Атлетико Мадрид» шарафини ҳимоя қилмоқда. Ўшандан бери ҳимоячи 44 та ўйин ўтказиб, 5 та гол урди ва 4 та голли узатмани амалга оширди.
2022 йил охирида Молина Аргентина терма жамоаси таркибида жаҳон чемпиони бўлди.
