Юлиан Нагельсманн Германия терма жамоаси бош мураббийлигига асосий номзод сифатида қаралмоқда.
Шанба куни Германия терма жамоаси ўртоқлик учрашувида Японияга мағлуб бўлди (1:4), якшанба куни эса Ханс-Дитер Флик ўз лавозимини тарк этгани маълум бўлди. Bild хабарига кўра, Нагельсманн Германия футбол ассоциациясида биринчи рақамли номзод, аммо ишсиз мутахассис "Бавария" билан шартномасини тўлиқ якунламаган. Бундан ташқари, DFB Фликни алмаштириш учун фавқулодда вариант эмас, балки мураббийлик лавозими учун узоқ муддатли вариантни қидирмоқда. Нагельсманн ва Германия терма жамоаси ўртасида ҳозирча алоқалар бўлмаган.
Эслатиб ўтамиз, 36 ёшли мутахассис шу йилнинг март ойида “Бавария”дан кетган эди.
