"Унион Берлин" сардори Данило Духининг фикрича, италиялик ҳимоячи Леонардо Бонуччининг клубга келиши Чемпионлар лигасида ўйнайдиган жамоага катта ёрдам беради. Бонуччи Туриннинг "Ювентус" клуби раҳбарияти билан келишмай қолди, клубни тарк этди ва энди Бундеслигада ўйнайди.
"Бу катта ном, бошида биз, футболчилар раҳбарият уни таклиф қилмоқчи эканлигига ҳам ишонмагандик. У жуда кўп бор ғалаба қозонган, у афсона. Ўйлайманки, биз ундан кўп нарсани ўрганамиз. У бизга Чемпионлар лигасида катта ёрдам беради, бизда у ерда умуман тажриба йўқ", - дея Духи сўзларини келтиради Италиянинг ITASportPress агентлиги.
