Нидерландия терма жамоаси бош мураббийи Рональд Куманнинг фикрича, ҳужумчи Коди Гакпо тез орада "Ливерпуль"да юқори даражага чиқади.

“Гакпо ҳали ёш футболчи эканлигини тушунишингиз керак. У "Ливерпуль"га ўтганида, жамоада қийинчилик бор эди ва у тезда натижага эриша олмади. Агар сиз яхши ишлаётган жамоага қўшилсангиз, сизда керакли вақтда келиш имконияти бор, лекин "Ливерпуль"га ўша вақтда нимадир керак эди ва бу жуда қийин эди.

Унга ривожланиш ва Премьер-лигага мослашиш учун вақт бериш керак, чунки бу бошқа даража. Мен Англиядаги вақтимдан биламан, ўйин шиддати Нидерландиядагидан анча юқори, лекин у ёш, ўрганади ва ривожланади. Унинг келажаги буюк, унинг фазилатлари оддий кўзга кўриниб туради", - дея Куманнинг сўзларини келтиради Liverpool Echo.