Мадриднинг “Реал” клуби ва Испания терма жамоаси ҳимоячиси Даниэль Карвахаль футболчининг фаолияти давомидаги жароҳатлари ҳақида фикр билдирди.
“Менимча, ҳаммаси тана ва онг билан боғлиқ, бу жароҳатлар бир сабабга кўра содир бўлмайди. Чемпионлар лигасининг нимчорак финали ва финали олдидан жуда кўп жароҳат олдим. Албатта, бу ерда психологик омил катта роль ўйнайди. Мен 2021 йилда атиги 12 та ўйин ўтказдим. Шубҳасиз, жароҳатлар спортчининг бошига тушиши мумкин бўлган энг ёмон нарса, шунинг учун мен бундай лаҳзаларни бошдан кечираётган одамларга бу вазиятдан чиқиш йўлини топишга ҳаракат қилишларини тавсия қиламан, чунки бунинг йўллари кўп", - дея Карвахалдан иқтибос келтиради Marca.
