"Тоттенхэм" футболчиси Кристиан Ромеро Аргентина терма жамоаси ҳужумчиси Лионель Мессининг уни дунёнинг энг яхши ҳимоячиси деб атаган сўзларига муносабат билдирди.
“Бу кутилмаган эди. Мессининг сўзларини ҳеч қачон унутмайман. Мен доим бош мураббий берган имкониятдан унумли фойдаланишга ҳаракат қиламан. Шерикларим мени терма жамоада илиқ кутиб олишади ва мен ҳам уларнинг ҳис-туйғуларига жавоб бераман. Мен бундан жуда хурсандман ва миннатдорман", - дея Кристианнинг сўзларини келтиради Mundo Deportivo.
2022 йилда "Тоттенхэм" Ромерони "Аталанта"дан сотиб олди ва футболчи билан 2027 йилгача шартнома имзолади. Умуман олганда, 25 ёшли ҳимоячи “шпорлар” сафида 68 та ўйин ўтказиб, 3 та гол ва 1 та голли узатмани амалга оширган. Аргентина терма жамоаси сафида 23 та ўйинда қатнашиб, 2 та гол урган.