"Ноттингем Форест" ҳужумчиси Эммануэль Деннис Москванинг ЦСКА клубига ўтишдан бош тортди. Бу ҳақда журналист Фабрицио Романо хабар бермоқда.
Манбага кўра, 25 ёшли нигериялик футболчи фаолиятини Туркия чемпионатида давом эттиради. Деннисга "Адана Демирспор" ва Истанбулнинг "Башакшеҳир" клублари қизиқиш билдирмоқда. Иккала клуб ҳам футболчини ижарага олишга ва унинг маошини тўлиқ тўлашга тайёр.
Ўтган мавсумда ҳужумчи "Ноттингем Форест" таркибида 25 та ўйин ўтказиб, 2 та гол урди ва 3 та голли узатмани амалга оширди. Transfermarkt портали Нигерия терма жамоаси футболчисини 8 миллион еврога баҳоламоқда.













