Лионель Месси ЖЧ-2026 саралашининг иккинчи босқичида Боливияга қарши ўйинни ўтказиб юборди. Аргентина терма жамоаси бош мураббийи Лионель Скалони бу борада фикр билдирди.
"Месси ўйнашга тайёр эмас эди. Кеча у тикланишга ҳаракат қилди, лекин ўзини қулай ҳис қилмади, шунинг учун биз ҳеч қандай таваккал қилмадик" - деди Скалони журналистларга.
"Лео формада эмас эди. Кечаги машғулотларда биз уни синаб кўришини истадик, лекин у уринмади ҳам", - дея қўшимча қилди мутахассис.
Эслатиб ўтамиз, Аргентина терма жамоаси меҳмонда Боливияни йирик 3:0 ҳисобида мағлуб этганди.
Октябрь ойида Аргентина терма жамоаси ЖЧ-2026 саралашида Парагвай ва Перуга қарши ўйин ўтказади.
