«Интер» жамоаси ярим ҳимоячиси Генрих Мхитарян билан шартномани узайтиришни режалаштирмоқда.
Журналист Храч Хачатряннинг хабар беришича, 34 ёшли футболчи жорий мавсум якунланганидан кейин Милан клубида қолиши мумкин.
Эслатиб ўтамиз, Мхитаряннинг келаси ёзда «Интер» билан шартномаси тугайди, манбанинг хабарига кўра, жамоа футболчини клубда сақлаб қолмоқчи.
Мхитарян «Интер» сафида 2022 йилдан буён ўйнаб келмоқда. Жорий мавсумда арманистонлик ярим ҳимоячи Италия чемпионатининг учта ўйинида қатнашиб, самарасиз натижа қайд этди.
«Интер» А Сериянинг дастлабки уч туридан кейин 9 очко билан пешқадамлик қилмоқда. Эътиборлиси, миланликлар шу пайтгача бирорта ҳам гол ўтказиб юбормади.
