«Inter» jamoasi yarim himoyachisi Genrix Mxitaryan bilan shartnomani uzaytirishni rejalashtirmoqda.
Jurnalist Xrach Xachatryanning xabar berishicha, 34 yoshli futbolchi joriy mavsum yakunlanganidan keyin Milan klubida qolishi mumkin.
Eslatib o‘tamiz, Mxitaryanning kelasi yozda «Inter» bilan shartnomasi tugaydi, manbaning xabariga ko‘ra, jamoa futbolchini klubda saqlab qolmoqchi.
Mxitaryan «Inter» safida 2022 yildan buyon o‘ynab kelmoqda. Joriy mavsumda armanistonlik yarim himoyachi Italiya chempionatining uchta o‘yinida qatnashib, samarasiz natija qayd etdi.
«Inter» A Seriyaning dastlabki uch turidan keyin 9 ochko bilan peshqadamlik qilmoqda. E’tiborlisi, milanliklar shu paytgacha birorta ham gol o‘tkazib yubormadi.
