"Бавария" ярим ҳимоячиси Жошуа Киммих "Байер"га қарши ўйин олдидан жамоа билан машғулот ўтказди. Бу ҳақда Bild журналисти Нико Линнер хабар бермоқда.
Эслатиб ўтамиз, 28 ёшли ярим ҳимоячи Германия ва Япония терма жамоалари ўртасидаги ўртоқлик ўйинида жароҳат олганди. Футболчи 13 сентябрь куни тиббий кўрикдан ўтиши кераклиги маълум қилинганди.
"Бавария" ва "Байер" учрашуви эртага, 15 сентябрь куни бўлиб ўтади. Германия чемпионатининг 4-тур учрашуви бошланиши Тошкент вақти билан 23:30 га белгиланган.
Уч турдан кейин “Бавария” ва “Байер” ҳали очко йўқотмаган ягона жамоалар бўлиб турибди.
