Юлиан Нагельсманн Германия терма жамоаси бош мураббийи сифатида ишлаш учун музокаралар олиб бормоқда, деб хабар берди журналист Николо Скира.
Германия футбол ассоциацияси мутахассисга 2026 йилгача шартнома таклиф қилмоқда. Унинг ўзи ҳам терма жамоа билан, жумладан, Евро-2024да ҳам ишламоқчи.
Эслатиб ўтамиз, аввалроқ Ханс-Дитер Флик Германия терма жамоаси бош мураббийлигидан озод этилганди.
36 ёшли Нагельсманнинг ишдан бўшатилганига қарамай, "Бавария" билан амалдаги шартномаси бор. Олдинроқ "Бавария" уни товон пулисиз терма жамоага қўйиб юборишга тайёрлиги ҳақида хабар берилганди.
