«ПСЖ»нинг янги футболчиси Гонсалу Рамуш Франция чемпионатининг 5-тури доирасидаги «Ницца»га қарши ўйиндан сўнг фикр билдирди.

Париж гранди 2:3 ҳисобида мағлуб бўлди.

«Биз ўз футболимизни ўйнашга ҳаракат қилдик. Аммо баъзида қийинчиликлар пайдо бўлади. Ҳар доим ҳам яхши ўйнай олмаймиз, бу сафар кучли рақибга қарши тўқнаш келдик.

Мағлубият ҳеч қачон яхши ҳис-туйғуларни келтирмайди. Аммо биз учун бу натижа аллақачон ўтмишда қолди.

Ҳозир барча фикрларимиз «Боруссия»га қарши ўйин ҳақида», - дея ҳужумчининг сўзларини келтиради Lequipe.

«ПСЖ»нинг навбатдаги ўйини Чемпионлар лигаси гуруҳ босқичида Дортмунднинг «Боруссия»сига қарши бўлади.

Учрашув 19 сентябрь куни Парижда бўлиб ўтади.