«Ливерпуль» бироздан сўнг АПЛ доирасида «Вулверхэмптон»га қарши ўйин ўтказади.
«Қизиллар» бош мураббийи Юрген Клоппдан халқаро танаффусдан сўнг 12:30да ўйинни бошлаш қийин бўладими, деб сўрашди.
«Бу саволни жиддий тарзда беряпсизми? Сизнингча, футболчи 30 соат олдин Боливияда ўйнаган бўлса, қанақа қилиб тикланади? Футболчиларнинг тикланиш учун вақти етарли эмас.
Баҳор олдидан бизда тўртта халқаро танаффус бор ва уларнинг иккитасидан кейин соат 12:30да ўйнаймиз.
Агар мен бу ҳақда бир оғиз сўз айтсам, бутун дунё: «У яна йиғлай бошлади», дейди. Аммо Жанубий Америкадан келган футболчиларимиз 24 соатдан кейин ўйнашига тўғри келади», деди Клопп.
