Саудия Арабистонининг Ар-Риёд шаҳрида бўлиб ўтаётган оғир атлетика бўйича жаҳон чемпионатида ҳозиргина эркаклар ўртасида 109 кг. вазн тоифасида баҳслар якунига етди.

Унда, кутилганидек, асосий кураш ўзбекистонлик икки спортчи — Акбар Жўраев ва Русан Нурудинов ўртасида кечди.

Акбар даст кўтаришда 189 кг. натижа билан олтин медални қўлга киритди. У энг яқин таъқибчисини нақ 8 килога ортда қолдирди. Даст кўтаришда Нурудинов 180 кг билан 4-ўринни эгаллади (у 3-уринишда 185 кг.ни кўтара олмади).

Силтаб кўтаришда эса ғолиблик Руслан Нурудиновга насиб этди. Ҳамюртимиз 227 кило штанга ўзига бўйсундирди. Жўраев эса иккинчи уринишда 226 кг.ни кўтаргач, учинчи уринишда 331 кг.ни ўзига бўйсиндира олмади.

Руслан икки кураш натижасига кўра ғолибликни қўлга киритиш мақсадида 236 кг.га буюртма берди. Аммо унга омад бироз етишмади. Оқибатда икки курашда чемпионлик Акбар Жўраевга ниасиб этди — 415 кг. Руслан Нуриддинов эса 407 кг. натижа билан кумуш медалга эга чиқди.

Қайд этиш лозимки, Акбар Жўраев айнан Руслан Нуриддиновдан сўнг икки карра жаҳон чемпиони бўлган илк оғир атлетикачи сифатида ўзбек спорти тарихига кирди.

Оғир атлетика бўйича ЖЧ. Эркаклар, 109 кг.

Даст кўтариш
1. Акбар Жўраев (Ўзбекистон) — 189 кг.
2. Христо Хростов (Болгария) — 181 кг.
3. Дадаш Дадашбайли (Озарбойжон) — 180 кг.
4. Руслан Нурудинов (Ўзбекистон) — 180 кг.

Силтаб кўтариш
1. Руслан Нурудинов (Ўзбекистон) — 227 кг.
2. Акбар Жўраев (Ўзбекистон) — 226 кг.
3. Дадаш Дадашбайли (Озарбойжон) — 223 кг.

Икки кураш

1. Акбар Жўраев (Ўзбекистон) — 415 кг.
2. Руслан Нурудинов (Ўзбекистон) — 407 кг.
3. Дадаш Дадашбайли (Озарбойжон) — 403 кг.