Саудия Арабистони чемпионатининг 6-турида «Ан-Наср» клуби сафарда «Ар-Роид» меҳмони бўлди.

Биринчи бўлим сўнгида Садио Мане ҳисобни очган бўлса, орадан бир дақиқа ўтиб мезбонлар ҳимоячиси майдондан четлатилди.

Иккинчи бўлимда эса дастлаб Талиска, сўнгра Криштиану Роналду гол урган бўлса, ўйин сўнгида мезбонлар битта жавоб тўпини киритиб, ҳисобни 1:3 кўринишга келтиришди.

Ушбу ғалабадан кейин «Ан-Наср» ўз очколарини 12 тага етказиб, жадвалда 6-ўринга кўтарилиб олди.

Саудия Арабистони чемпионати, 6-тур
Ар-Роид – Ан-Наср  1:3 (0:1, 1:2)
Голлар: 0:1 – 45 Мане, 0:2 – 49 Талиска, 0:3 – 78 Роналду, 1:3 – 89, пенальти Фузаир.
Ан-Наср – Ал-Акидий, Ал-Ғанам, Лапорт, Ал-Авжамий (Ал-Амрий, 85), Теллес (Ал-Нахлий, 85), Брозович, Отавио, Ал-Ҳайбарий (Ал-Ҳассан, 57), Мане (Ал-Ғаннам, 89), Ғариб (Талиска, 46), Роналду.
Четлатиш: Ваеший (45).