Муҳаммад Салоҳ "Ливерпуль" сафида АПЛдаги 200-самарали ҳаракатини амалга оширди.
"Қизиллар" форварди "Вулверхэмптон"га қарши ўйинда (3:1) Коди Гакпо ва Эндрю Робертсонга голли пас берди. Қолаверса, мисрлик учинчи голда иштирок этди ва бу гол Уго Буэно томонидан киритилган автогол сифатида статистикада қайд этилган.
Булар Салоҳнинг “Ливерпуль” сафида АПЛдаги 61 ва 62-ассистентликлари. Шунингдек, у мерсисайдликлар сафида 139 та гол урган.
Салоҳ "Ливерпуль" тарихида АПЛда 200 ёки ундан ортиқ самарали ҳаракат қилган иккинчи футболчига айланди. Илгари бу ишни фақат Стивен Жеррард уддалаган — унинг ҳисобида 120 та гол ва 93 та голли узатма бор.
