Каталониянинг "Барселона" жамоаси "Бетис" билан ўйинда ўз натижасини яхшилади - агар ўтган мавсумда "блауграна" рақибни 4:0 ҳисобида мағлуб этган бўлса, бугун улар бешта гол уришга муваффақ бўлишди.

Маълум бўлишича, бу Хави Эрнандес клубни қабул қилиб олгандан бери - яъни сўнгги икки йилдаги энг йирик ғалаба бўлди. Гап нафақат Испания чемпионати, балки барча турнирлар ҳақида кетяпти, бунгача Хави қўл остидаги "Барселона" максимал тўртта гол фарқи билан ғалаба қозонар эди.

Эслатиб ўтамиз, клубнинг собиқ футболчиси Хави Эрнандес 2021 йилнинг ноябрь ойидан бошлаб жамоани бошқариб келмоқда. Чемпионатнинг навбатдаги турида “Барселона” “Сельта”га қарши баҳс олиб боради.