«Интер Майами» ҳужумчиси Леонардо Кампана ўтган ёзда жамоага қўшилган жамоадоши Лионель Месси ҳақида ўз фикри билан ўртоқлашди.

«Месси қанчалик буюк бўлмасин, у камтар одам. Лионель ҳар доим жамоага ўз ҳурматини кўрсатади, бизга биринчи бўлиб хабар йўллайди, омад тилайди, шунингдек, мотивация беради.

У ўзини бошқалардан яхшироқ деб ҳисобламайди. Бу бизга хотиржамлик беради. Месси бизга ўйин давомида ҳам, олдин ҳам маслаҳатлар беради.

У жамоага энг майда деталларигача таъсир қилади», - деди Кампана.

Месси «Интер Майами» сафида 11 та ўйин ўтказиб, 11 та гол ва 5 та голли узатмага муаллифлик қилган.