Лондоннинг "Челси" клуби аллақачон Англия Премьер-лигасининг янги мавсумида 37 та футболчи хизматидан фойдаланиб бўлди.
Evening Standard журналисти Низар Кинселла Opta Sport нашрига таяниб хабар беришича, Лэсли Угочукву "аристократлар"нинг АПЛ жорий мавсумида майдонга тушган 37-футболчи бўлди.
19 ёшли франциялик футболчи Англия чемпионатининг 5-туридан ўрин олган “Борнмут”га (0:0) қарши ўйинни асосий таркибда бошлади. Аввалроқ у фақатгина 30 август куни Англия Лига кубоги доирасидаги "Уимблдон" билан (2:1) учрашувида майдонга тушганди.