"ПСЖ" бош мураббийи Луис Энрике аввалига ярим ҳимоячи Марко Верратти билан хайрлашишни истамаганди, у охир-оқибат Қатарнинг "Ал-Арабий" клубига ўтди.
L'Equipe нашри маълумотларига кўра, испаниялик мутахассис Верраттини ёқтирган, аммо "ПСЖ" раҳбарияти Энрикени Марко билан хайрлашиш зарурлигига ишонтирган. Гап шундаки, италиялик интизомли турмуш тарзини олиб бормаган ва кийим алмаштириш хонасига ёмон таъсир қилган.
Маълумотларга кўра, Энрике шунингдек Верраттининг мавсумолди машғулотларига ортиқча вазн билан келганидан норози бўлган. Эслатиб ўтамиз, Марко парижликлар жамоасида 2012 йилдан буён ўйнаб келаётган эди.
