"Арсенал" ярим ҳимоячиси Томас Парти Испания чемпионатига қайтиши мумкин. Ганалик ярим ҳимоячи хизматларига унинг собиқ жамоаси "Атлетико Мадрид" қизиқмоқда. "Матрасчилар" жамоаси бош мураббийи Диего Симеоненинг шахсан ўзи африкалик футболчини қўлга киритишни талаб қилмоқда, дея хабар бермоқда Todofichajes нашри.

Парти 2020 йилнинг октябрь ойида “Атлетико Мадрид”ни тарк этиб, “Арсенал”га ўтган эди. Клуб ва футболчи ўртасидаги амалдаги шартнома 2025 йилнинг ўрталарига қадар тузилган. Томаснинг трансфер нархи 35 миллион еврога баҳоланмоқда.

Англия Премьер-лигасининг жорий мавсумида ярим ҳимоячи учта ўйинда гол ура олмади.