"Ньюкасл" ярим ҳимоячиси Сандро Тонали "Милан"нинг яқинда бўлиб ўтган дербидаги муваффақиятсизлиги ҳақидаги саволга жавоб берди.
“Россонерилар” “Интер”га 1:5 ҳисобида имкониятни бой берди. Сешанба куни Стефано Пиоли шогирдлари Чемпионлар лигаси доирасида "Ньюкасл" билан учрашади. Тонали бир неча ой олдин "Милан"дан инглиз клубига ўтганди.
“Дербида ютқазиш ёқимсиз, айниқса, бундай ҳисобда. Бу ҳақда гапириш қийин. Футболчилар бунга қандай дош беришларини билмайман, лекин тезда тикланиш имконияти уларга ёрдам бериши аниқ. "Интер" билан ўйиндан кейин миланликлардан бири билан гаплашдимми? Ҳали йўқ, чунки мен бу қанчалик оғриқли эканини тушунаман, шунинг учун кутишга қарор қилдим", - деди "Ньюкасл"нинг 23 ёшли италиялик футболчиси.
