Бугун Мадриднинг «Реал» жамоаси вакиллари тушлик учун йиғилишди. Asador Donostiarra ресторанида бўлиб ўтган «Рождетство»олди байрам тушлигида жамоанинг барча аъзолари йиғила олишмади.

Байрам дастурxонида Серxио Рамос (укаси Рене билан бирга), Месут Ўзил, Сами Xедира, Лука Модрич, Варан, Пепе, Начо, Майкл Эссиен, Рикардо Карвалью, Адан, Жесус каби футболчилар ва жамоанинг тиббий xодимларидан баъзилари иштирок этишди. Дарвоке бу Майкл Эсииен учун жамоа билан биргаликдаги биринчи «ўтириш» бўлди. Ганалик футболчи жуда xурсанд эди ва бу даврага «Ажойиб йигитлар билан катта тушлик»,- деб таъриф берди.

«Аякс» ва «Атлетико Мадрид» устидан қозонилган ажойиб ғалабалардан сўнг бош мураббий Жозе Моуриньо футболчиларга йиғилишга руxсат берди.

Месут Ўзил тушликдан сўнг ўз «twitter»ида «Биз биргаликда кучлимиз» деган статусни киритиб қўйди.

«Чойxона» сўнгида иккита қизиқ воқеа содир бўлди. Дастлаб, Месут Ўзилнинг машинаси аккумулятор қувватининг тугагани сабаб ўт олмай колган бўлса, бироз вақт ўтиб рестораннинг икки xодими Рамос ва Начонинг машинасига туртилиб кетишди ва оммавий кулгуга сабаб бўлишди.

Кўриб турганингиздай мадридликларнинг кайфиятлари аъло даражада, шундай экан уларнинг навбатдаги рақибларига осон бўлмаслиги аниқ.