"Антверпен" бош мураббийи Марк ван Боммель "Барселона" билан бўлажак сафар учрашуви ҳақида ўз фикрлари билан ўртоқлашди.
Сешанба куни Бельгия жамоаси Чемпионлар лигаси гуруҳ босқичининг биринчи турида Испаниянинг амалдаги чемпионига қарши баҳс олиб боради.
“Биз қандай билсак, шундай ўйнаймиз ва қўлимиздан келганини қилишга ҳаракат қиламиз. Бу бизнинг Чемпионлар лигасида илк бор ўйинимиз, бу осон бўлмайди.
"Барселона" яқинда "Бетис" устидан 5:0 ҳисобида ғалаба қозонди? Бу бизни қўрқитмайди. Ўтган мавсумда ҳам Хави қўл остида жамоа қанчалик яхши эканини ҳамма кўрди. "Барселона" ажойиб таркибга эга, ажойиб ҳужумга эга, биз ҳимояда эҳтиёткор бўлишимиз керак", - деди Ван Боммель ўйинолди матбуот анжуманида.
