"Брентфорд" бош мураббийи Томас Франк футболга гаров тикиш қоидаларини бузганлиги сабаб январгача ўйинларда иштирок этмайдиган ҳужумчи Айван Тоунининг даражасини юқори баҳолади.
“Тоуни - дунёнинг энг яхши ҳужумчиларидан бири. Айни дамда Айвандан яхшироқ бўлган кўплаб ўйинчиларни келтира олмайман. Кейн, Левандовски ва Холанддан ташқари. Топ-клубда Тоуни бир мавсумда 20-25 гол урарди. Нима учун клублар унга эътибор қаратаётганини тушунаман", - деди Франк матбуот анжуманида.
Олдинроқ Лондоннинг “Челси” клуби Тони хизматларига қизиқиш билдираётгани ва январь ойида трансферни амалга оширишга ҳаракат қилиши ҳақида хабар берилганди. Эслатиб ўтамиз, Айван ўтган мавсумда Премьер-лигада 20 та гол урди.
