“ПСЖ” ёзги трансферлар ойнасида Қатар клубларига 3 нафар футболчи – Марко Верратти, Юлиан Дракслер ва Абду Диаллони сотиб юборди. Парижликлар учун келишувлар фойдали бўлиб чиқди, Трансфермаркт портали маълумотларига кўра, Лига 1 гиганти бу футболчилар учун Қатар клубларидан 69 миллион евро олган.
Шу билан бирга, УEФА ушбу учта трансфер бўйича текширув ўтказмоқчи. Агар "ПСЖ" эгалари "Ал Аҳли" ва "Ал Араби" эгаларига "жуда яқин" эканликлари аниқланса, УEФА Париж клубига ушбу битимлардан тушган маблағни ўз ҳисобларига киритишга рухсат бермаслиги мумкин.
Айтиш жоизки, Қатар клубларининг эгалари билан потенциал яқинлик "ПСЖ"га молиявий фейр-плей позициясини яхшилаш мақсадида оширилган нархларда трансферларни амалга ошириш имконини бериши мумкин.
Хабарингиз бор, "ПСЖ"нинг хўжайинлари қатарликлардир.
