Мадриднинг “Реал” клуби ҳимоячиси Даниел Карвахал жароҳат олди ва Чемпионлар лигаси доирасидаги “Унион Берлин”га қарши ўйинни ўтказиб юборади. Мадрид жамоаси бошқарувчиси Карло Анчелотти бу борада фикр билдирди.
“Карвахалда Мадрид дербисида ўйнаш имконияти бор. У эртага тестларни топширади. "Унион"га қарши ўйинда Карвахал ҳимоянинг ўнг қанотида Васкесга алмаштирилади.
Арда Гулер? У душанба куни жамоа билан ишлашга қайтади", - деди Анчелотти матбуот анжуманида журналистларга.
Эслатиб ўтамиз, “Реал” Испания чемпионати доирасидаги “Атлетико”га қарши сафар ўйинини 24 сентябрь, якшанба куни ўтказади.
