"ПСЖ"нинг собиқ ярим ҳимоячиси Давид Жинола парижликлар жамоасининг Чемпионлар лигаси гуруҳ босқичи 1-тур учрашувида Дортмунднинг "Боруссия"си устидан қозонилган ғалабаси (2:0) ҳақида фикр билдирди.
“Бу “ПСЖ” учун Чемпионлар лигасининг биринчи туридаги ажойиб ўйин бўлди. Ўз майдонида “Ницца”дан учралган мағлубиятдан сўнг парижликлар футболчилари Чемпионлар лигасини яхши бошлашни хоҳлашди. Буни улар кам вазиятлар яратган Дортмундга қарши ўйинда уддалашди. Бу жуда осон эди, лекин энди Париж ўз йўлини топиши керак. Париж учун ўз услубини жорий этиш муҳим бўлади", - дея Жиноланинг сўзларидан иқтибос келтиради УЕФА матбуот хизмати.